انا كنت تعليم صناعي 2007

[b]اخواني الاعزاء
السلام عليكم ورحمه الله وبركاته
ايه اخبار الكليه علي حسكم
علي فكره انا كنت تعليم صناعي قسم الالكترونيات دفعه 2007
ايه اخباركم مع الكليه والاداره والمصاريف اللي بتزيد كل سنه بدون داعي
والكتب اللي الدكاتره بيتعنتوا في شرائها
وانتوا عملين ايه في المطالبه بتعديل الشهاده
سيبكم من ده كله
ده موضوع جديد انا هاترحه عليكم
اولا انا كنت ثانوي عام بمجموع 85% دغعه 2003 يعني كان ممكن ادخل تجاره انجليزي او اداب انجليزي وخصوصا ان الانجليزي عندي الحمد لله بمستوي جيد
ولكن انا كنت عايز ادخل هندسه والحلم اللي عايز احققه ومتحققش
فكان الاقتراح اني ادخل معهد فني صناعي
علي فكره انا من القليوبيه
وكان اقرب معهد ليا معهد بنها
ودخلت المعهد ولكن مواد التخصص كانت من اول ترم
وبلتالي حصل اني جبت في ثلاث مواد تخصص مقبول والانجليزي بس ممتاز
علي عكس كل الطلاب
لان معظمهم دبلوم والانجليزي عندهم ضارب بس مش مهم لان مواد التخصص عندهم تمام
الحمد لله ذاكرت ونجحت في السنتين بتقدير جيد جدا ولكن لا يدخلني هندسه ولا حتي معهد عالي بنها
وكان الاختيار المتوفر
كليه التعليم الصناعي وخصوصا ان قالوا لي ان ممكن اكمل بعد الكليه سنه او سنتين هندسه وبكده اعادل الشهاده ببكالوريوس الهندسه
الحمد لله دخلت تعليم صناعي بني سويف
وكانت اول عقبه قابلتني هي المسافه البعيده واللي بنتغلب عليه بلسكن في المدينه الجامعيه
ولكن الكليه ماكانتش تبع الجامعه واصلا الجامعه كانت لسه تبع جامعه القاهره
وكان الحل ان لازم الالقي سكن قريب من الكليه
ودورت علي سكن فكان اقرب مكان في الدينه الجديده
والحمد لله ربنا اكرمني بسكن
ولكن لازم يكون فيه عقبه وهي الناس اللي هتسكن معاهم
لان ممكن يكون فيهم حد مش بتاع مذاكره
والحمد لله الناس اللي كانوا معايا بتوع مذاكره
وزي ماقولت لازم يكون فيه عقبه
امتحانت الترم الاول كانت تمام والامتحانات كانت سهله لان الدراسه بلانجليزي
وتيجي النتيجه اني جايب 3 مواد ممتار و3 جيد جدا وماده ضعيف جدا
وده مش منطفي لاني حليت في الماده كويس كانت ماده تقنيات كهربيه يعني ماده سهله
وحصل اني خلال الترم التاني كنت محطم وعلشان اقدم تظلم قالوا لي بعدين
عارفين بعدين ده كان امتي قبل امتحانات الترم التاني بيوم واحد فقط
والحمد لله الماده كانت جيد جدا بدل ضعيف جدا
وجبت تقدير كويس جيد جدا في سنه تانيه
ودخلت سنه تالته وبرده جبت جيد جدا
اما بقي سنه رابع فهيا اهم سنه علي الاطلاق لا ماينفعش اجيب ملحق في ماده او اعيد السنه
عايز اخلص
الحمد لله جبت فيها ممتاز
وكان تقديلر مشروع الخرج ممتاز
والتقدير التراكمي في التلات سنين جيد جدا
وكنت الخامس
وعلي فكره المشروع ليه قصه معايا
هاقولها ليكو المره اللي جايه
علشان انا دلوقتي في الشغل
سلام

السلام عليكم كيف حالك يا اخ سليم اولاً انا اسمى محمد نورالدين خريج تعليم صناعى 2001 قسم الالكترونيات فى بعض الاحيان اندم انى دخلت الكلية دى و وارجع واقول قدر الله وما شاء فعل مع ان الدراسة فيها جيدة على مستوى جيد بس فيها شئ ناقص وهوا تعديل اسم الكلية لـ علوم هندسية ان انها تكون تابعة لجمعة زى كلية السويس تابعة لجامعة السويس وكمان يعطونا الفرصة لدراسة تكميلية تكن فى نفس التخصص مش هما الاى يختارو --- نكمل بعدين ان شاء الله